ليش لما قلت أحبّك جيتـي فجـأة تتركينـي
وليش ما قلتي توقّف هذا حـدّك يـا كيانـه
وليش لما جيت حـدّك مـا قدرتـي تمنعينـي
وليش ما خليتي قلبـي يتّقـي شـرّ الخيانـه
عقب صدّك وانا تايـه بيـن ونّاتـي وأنينـي
وخايف ٍ قلبي وجاهل .. وين بيلاقي أمانـه ؟
كنتي لروحي حبيبه .. / وكنتي قلبي يا ضنيني
وفضّلتْكِ النفس لمّا خذتي من قلبـي مكانـه
إحتويتك وسط قلبي وأحسب إنـك تحتوينـي
وسلّمك قلبي شعوره بإيـدك اليمنـى أمانـه
ما هقيت إنك تكوني لحظـة الحـزن بسنينـي
ولا توقّعتك بلحظه تغيّـري قلبـي وزمانـه
من نكاده لي سعاده عاشت لِلِحْظـات فينـي
ودارت الأيام وسالت دمعتيـن ٍ مـن عيانـه
وجات الأحزان وهموم القلب كل لحظه تجيني
لين مـا قلبـي ترجّـى مـن ليالينـا إعانـه
وشّو ذنبي لو خطأ تقديري بإنـك تعشقينـي
علميني كيف أرد الهـم وإنتـي لـي حصانـه
خبّريني ..؟ ولا أقول لك ؟ لا سرحتي إذكريني
وإذكري إني حبيب ٍ حـبّ محبوبـه وخانـه
.......................اتمنا ان تنـــــــــــــــــال اعجابكم .............................
الخميس يونيو 03, 2010 7:46 am
