قالت علامك تايه الفكر حيران
قلت الدموع تجاوبكـ ياحنيني
قالت وليه الدمع في ناظركـ بان
قلت الخيانه تحرق جفون عيني
قالت خيانة هالبشر صارت الوان
قلت الخيانه شرعها اللي مديني
قالت لي فسر هالحكي واطلق عنان
قلت البقاء للصمت بينك وبيني
قالت يموت بشفتينك ولو كان
قلت الشفايف مسكن الهمـ فيني
قالت غريب ونظرتك تنطق احزان
قلت الغريب انك قريتي جبيني
قالت من انت؟وكيف مرت بك أزمان
قلت الزمن يعرف خوافي سنيني
قالت حروفك راوية همـ واشجان
قلت الصحايف كم بكت من يديني
قالت صبور وتكتم الهم كتمان
قلت الصبر مفتاح من هو حزيني
قالت لي غامض صابني منك تحنان
قلت البلا لا صار همك يجيني
قالت من انت؟ بجد يا عازف النان
قلت انا اللي كان ولكن اليوم ويني
قالت لي شاعر تبدع الشعر باوزان
قلت اتركي كل الحكي واحتريني
قالت لي وين وكيف لي منك ياكان
قلت المكان اللي ينادي يبيني
قالت وش اسمك ياحكي فيه نشوان
قلت الجريح اللي بصمته دفيني
قالت تصدق معجبه وانت ولهان
تدري ابرجع واتصل ياحنيني.
الثلاثاء يونيو 29, 2010 8:32 pm